हिन्दुत्व
हावर्ड युनिभर्सिटीमा लामो समय पढाएका डा. सुब्रहमन्यम स्वामीका अनुसार 'धर्मान्तरणको इतिहास र गति हेर्दा अग्निपुजारी पारसीहरु रहेको ईरानमा ईस्लाम धर्म प्रवेश गरेको १५ बर्षमा, इराक (तत्कालिन मेसोपोटामिया, बेबिलोनको केहि हिस्सा) १७ बर्षमा र इजिप्टमा २१ बर्षमा १००% मुस्लिम भए ! युरोपमा करिब ५० बर्षमा लगभग १००% क्रिश्चियन भए तर हाम्रो छिमेकमा करिब ८०० बर्ष मुसलमान र २०० बर्ष क्रिश्चियनहरुले शासन गरेर पनि अहिले भारतमा करिब ८३% हिन्दु धर्मावलम्बी छन् !' भारतमा मुगल शासनकालमा धर्मान्तरण गर्नु पर्ने अथवा कर तिर्नु पर्ने अन्यथा ज्यान दिनु पर्ने जस्तो कठिन अवस्थामा समेत टिकेको हिन्दु धर्म अहिले केहि मान्छेहरु एउटा जागिर, दुइटा बाख्रा, ५० किलो चामलसँग साट्न लागि परेका छन् !
हिजो जुन छोरोको आशामा बा-आमाले तिर्थब्रत चहारे, हरिबंश पुराण लगाए आज त्यहि छोरो टिकामा पाखण्ड देख्छ, जनैमा रुढीवादी देख्छ, साँझ बिहान मन्दिरमा बालिने दियोमा तेलको अनावश्यक खर्च देख्छ तर उता काठ र धातुको क्रसमा परमेश्वर देख्छ ! हाम्रो संस्कृतिलाई इज्जत दिनेहरुप्रति म पनि नतमस्तक भएर झुक्न तयार छु ! तर हिन्दु र हिन्दुत्व माथी रुढिवादीको ट्याग भिराउनेहरुलाई एउटा प्रश्न सोध्न चाहन्छु, तिम्रा कोहि प्रियजनलाई कसैले हथौडाले हानेर मारे तिमि त्यहि हथौडाको पुजा गर्छौ ? हथौडाको माला लगाएर अरुलाई अपराधि भन्दै हिंड्छौ होला र ? तिम्रा प्रियजनलाई कसैले चौकोसमा झुण्ड्याएर मारे त्यसैको पुजा गर्छौ ?
चामलसँग आस्था खरिदबिक्रि गर्न तयार हुनेहरु नयाँ नयाँ तरिका अपनाउँदै छन् ! उता हामीले गर्ने देवपुजनलाई ढुङ्गा पुज्नेहरु भनेर हाँस्नेहरु दक्षिण भारतमा जिससकि आमा मेरीको नाममा मन्दिर बनाएर मेरीको काखमा जिसस बसेको मुर्ति राखेर माता यशोदाको काखमा श्रीकृष्ण बसेको झझल्को दिंदैछन् ! हामी दशैं. तिहार, होलि, छठ मनाउँदै गर्दा तिनीहरुका कथित प्रार्थनास्थलमा नाचगान सहित साँस्कृतिक कार्यक्रम गर्छन् किन त ? किन भने पैसोमा किनिएर र बाध्यतामा परेर गएकाहरु कृष्णपुजन गर्न मन्दिर नजाउन, मेरीजिससको मूर्तिमा माल्यार्पण गरेर यताको तिर्सना उता मेटाउन् ! दशैंतिहारको झझल्को यताको नाचगानले मेटाउन खोजुन ! अरे यारों पहेले अपना कित्ता तो क्लिएर करो बादमे हमारा धरमका बुराइ करोगे !
हिन्दु धर्म भित्र जातीय भेदभाव भयो भनेर दलित बस्तीमा धर्मान्तरणका निम्ति मात्र समानताको नारा लगाउनेहरु तिम्रा धर्ममा नाइकेहरु कति जना दलित छन् ? तिमीहरु गरिब हुनुको कारण नै हिन्दुत्व हो भनेर दुस्प्रचार गर्नेहरु हो, हाम्रो धर्ममा धनक गरिब सुदामा भगवान श्रीकृष्णका प्रिय मित्र थिए ! श्रीकृष्णलाई भेट्न सुदामा एक मुट्ठी कनिका कोसेली लिएर जाँदा त्यसमा गरिबी होइन मित्रता देखिन्थ्यो ! अहिले भए कुनै मिसिनरीको एजेन्ट सुदामाको कुटीमा एक बोरा चामल बोकेर जान्थ्यो र भन्थ्यो तिम्रो गरिबीको कारण हिन्दुत्व हो ! अनि त्यहाँ कहाँ श्रीकृष्ण र सुदामाको जस्तो अजर अमर मित्रता रहन्थ्यो होला र ?
अहिले अधर्मको पक्षमा सय भाई कौरव भए पनि धर्मको पक्षमा रहेका पाँच भाई पाण्डवहरु जाग्ने बेला भएको छ ! आशा छ छिट्टै नयाँ धर्मयुद्धका निम्ति थुप्रै अर्जुनहरु र अर्जुनका निम्ति सारथि श्रीकृष्णको अभ्युदय हुनेछ !