विविधता
डाँडाभरि राताम्य गुराँस देख्छु
म मेरी दुलही सम्झिन्छु
शहरभरी सेताम्मे हिउँ देख्छ
जोन उसैकी दुलही सम्झिन्छ
कालो बुर्कामा सजिएकी तरुनी देख्दा
अहमद आफ्नै बेगम सम्झिन्छ
म टक्क रोकिन्छु र सोच्छु
साँच्चि रङ शुभ अशुभ हुँदो हो त
एउटाकि दुलही र अर्काका मलामी किन सेता हुँदा हुन् ?
कसैकी बेगम र कसैको शोक किन उस्तै कालो हुँदो हो ?
डाक्टरको एप्रोन
पश्चिमा दुलही
अनि पूर्वीय मलामी
एकै एकै देख्छु म
डाक्टरको हतारो
दुलहीको खुसि
अनि मलामीको शोक
किन कत्ति नमिलेको होला है ?
रङ्ग मात्रैले मिलेर त कति पो मिल्दो रहेछ र है ?
कर्णालीको किसान
देश बेच्ने दलाल
अनि शीतलनिवासका महामहिम
सुस्ताका जनता
पारीका 'द- लाल'
अनि गोलि खाने यादव बुढा
टोपीले टाउको बाहेक के नै छोप्ने देखियो र ?
लाज बाहेक धोतीले के नै ढाक्न सक्यो र ?
गोलि खान नपाएको गरिब
विवेकशून्य कुर्सीहरू
मानवताविनाका मान्छेहरु
सरकारी गोलीले निदाउने गरिब
पारीको चाकडीले भेटेको कुर्सि
एम्बुलेन्सको साइरन रोएको गाउँ
किन आँसुमा डुबाएर रत्यौली खेलेको होला ?
हरेक दिन उही कथा यो माटोले कसरि झेलेको होला ?
म मेरी दुलही सम्झिन्छु
शहरभरी सेताम्मे हिउँ देख्छ
जोन उसैकी दुलही सम्झिन्छ
कालो बुर्कामा सजिएकी तरुनी देख्दा
अहमद आफ्नै बेगम सम्झिन्छ
म टक्क रोकिन्छु र सोच्छु
साँच्चि रङ शुभ अशुभ हुँदो हो त
एउटाकि दुलही र अर्काका मलामी किन सेता हुँदा हुन् ?
कसैकी बेगम र कसैको शोक किन उस्तै कालो हुँदो हो ?
डाक्टरको एप्रोन
पश्चिमा दुलही
अनि पूर्वीय मलामी
एकै एकै देख्छु म
डाक्टरको हतारो
दुलहीको खुसि
अनि मलामीको शोक
किन कत्ति नमिलेको होला है ?
रङ्ग मात्रैले मिलेर त कति पो मिल्दो रहेछ र है ?
कर्णालीको किसान
देश बेच्ने दलाल
अनि शीतलनिवासका महामहिम
सुस्ताका जनता
पारीका 'द- लाल'
अनि गोलि खाने यादव बुढा
टोपीले टाउको बाहेक के नै छोप्ने देखियो र ?
लाज बाहेक धोतीले के नै ढाक्न सक्यो र ?
गोलि खान नपाएको गरिब
विवेकशून्य कुर्सीहरू
मानवताविनाका मान्छेहरु
सरकारी गोलीले निदाउने गरिब
पारीको चाकडीले भेटेको कुर्सि
एम्बुलेन्सको साइरन रोएको गाउँ
किन आँसुमा डुबाएर रत्यौली खेलेको होला ?
हरेक दिन उही कथा यो माटोले कसरि झेलेको होला ?