चन्द्रमाकी आमा
सानोमा टाढाको चाँद चाहिने मान्छे
आमाले थालमा चन्द्रमा देखाएर भुलाईन्
अहिले टाढाकि 'चन्द्रमा' सम्झने मान्छे
फेसबुकमा फोटो हेरेर भुलिन्छ
फरक यत्ति हो
उहिले चाँद नपाउँदा रोइन्थ्यो
अहिले पाएको गुमेर नी चुपचाप छु
उहिलेकी चाँदकि आमा भन्दा
मेरी आमाको माया निकै बलियो थियो
लाखौँ माइल टाढाको चाँद
थालमै पस्केर दिन्थिन्
अहिलेकी 'चन्द्रमा'की आमा
मेरो मायाको शक्तिभन्दा बलिई रहिछन्
तेसैले होला सायद
आफ्नी छोरीको मन
यताबाट उता सजिलै फर्काइन्
उहिले मेरो थालमा पस्केको चाँद जस्तै
मेरो फेसबुकमा झुल्केकी चन्द्रमा नी नक्कली हो
जसलाई देख्न सकियो, पाउन सकिएन
चाँद जस्तै उनको निधारमा नी सानो दाग छ
तेसैले यिनी पनी चाँद भन्दा कम छैनन्
उनी कहाँ चन्द्रमा कहाँ म तुच्छ मान्छे
जे सुकै होस् चन्द्रमाको जातै ठुलो